Fiskidagurinn mikli 5 - 6. ágúst 2011
Fiskur - Vinalegheit - Fiskisúpukvöldið - Fjölskylduhátíð - Allt frítt á hátíðarsvæðinu
Mynd Jón Ingi Einarsson
Fjölskylduhátíðin Fiskidagurinn mikli er haldinn hátíðleg í Dalvíkurbyggð, fyrsta laugardag eftir Verslunarmannahelgi. Fiskverkendur og fleiri framtakssamir í byggðarlaginu bjóða, með hjálp góðra styrktaraðila, landsmönnum öllum upp á dýrindis fiskrétti, milli kl. 11:00 og 17:00. Markmið hátíðarinnar er að fólk komi saman, hafi gaman og borði fisk. Matseðilinn breytist ár frá ári þó ávallt sé boðið upp á ákveðna vinsæla rétti. Af þeim er helst að nefna fiskborgarana sem grillaðir eru á lengsta grilli á Íslandi. Grillið er færiband og á því stikna borgararnir 8 metra leið. Á fjórtán grillstöðvum víða um svæðið grilla heimamenn fjölbreyttar fisktegundir. Öllum réttum fylgja brauð og drykkir eins og hver getur í sig látið. Kvöldið fyrir Fiskidaginn mikla bjóða íbúar byggðalagsins gestum og gangandi upp á fiskisúpu í heimahúsum og görðum. Afar vönduð og fjölbreytt skemmtidagskrá hefur prýtt hátíðina.
KÍKIÐ ENDILEGA Á ELDRI FRÉTTIR
ü Ljúft súpukvöld þar sem um 19.000 manns röltu um bæinn.
ü Mögnuð og fagmannleg flugeldasýning.
ü Fjöldaknús á vel heppnaðri Vináttukeðju.
ü 4 kempum færðar þakkir.
ü Fiskidagurinn mikli styrkir Mæðrastyrksnefnd.
ü Áhugavert met – 65 mínútur.
Talið er að um 29.000 manns hafi sótt Dalvíkurbyggð heim um helgina en þar var Fiskidagurinn mikli haldinn hátíðlegur. Umferð gekk vel miðað við fjölda. Afar lítið var um árekstra milli fólks í næturlífinu og gekk það nánast áfallalaust þrátt fyrir mikið líf og að margir væri á ferðinni. Bærinn var ríkulega skreyttur og töldu margir að ganga um bæinn væri eins og að vera á risastórri skraut og listasýningu.
Færeyski kórinn Tvöfaldur kvartettinn “Vega” á aðalsviðinu
Mennirnir níu frá Fuglafirði í Færeyjum hafa sungið saman í nokkur ár, mest til gamans. Kringum jólahátíðirnar hafa þeir þó sungið á dvalarheimilum fyrir aldraða í Eysturoy og á Norðoyggjum, og stundum hafa þeir verið beðnir um að syngja við hin ýmsu tilefni. Mennirnir í tvöfalda kvartettinum “Vega” heita: Kristian Petersen, Heini Beder, Hjalti Lundsbjerg, Jógvan á Lakjuni, Samson í Lambanum , Jan Joensen, Páll Laksáfoss, Mouritz L. Mohr og Eyðun á Lakjuni.
